Эдийн засаг, хөгжлийн Дэд сайд Г.Түвдэндорж ШУТИС-ын Эрчим хүчний сургуулийн сэргээгдэх эрчим хүчний чигэлэлээр суралцаж буй доктор Х.Сарангэрэл багштай оюутан залуусыг хүлээн авч уулзлаа.
Байгалийн баялаг хязгаартай ч, хүний хэрэглээ хязгааргүй. Тиймээс хазгааргүй хэрэглээх хязгаартай баялгаар хангахад ногоон эрчим хүч туйлын чухал гэдийг дэлхий нийт дуу нэгтэй хүлээн зөвшөөрч, улс орнууд өөр өөрийн зорилтыг дэвшүүлэн ажиллаж байна. Манай улс ч энэ чиглэлд анхаарлаа хандуулсаар ирсэн. Гэвч үндэсний боловсон хүчин, инженер техникын ажилтан дутмаг байгаа нь төрөөс анхаарал хандуулах шаардлагатайг харуулж байна.
Уулзалтаар Дэд сайд Г.Түвдэндорж, дэлхий нийт ногоон эдийн засгийг дэмжиж, сэргээгдэх эрчим хүчний хэрэглээг нэмэгдүүлэх чиглэлээр өргөн хүрээний санаачилга гаргаж байгаа энэ үед та бүхэн энэ мэргэжлийг сонгон суралцаж байгаа нь үнэхээр зөв сонголт, ирээдүйгээ харсан шийдвэр гэдгийг онцлоод сурлагын амжилт хүслээ. Мөн Монгол улс газар зүйн хувьд сэргээгдэх эрчим хүчний асар өргөн боломжтой учраас энэ салбарыг хөгжүүлэх замаар дотоодын эрчим хүчний нөөцөө хангах, цаашлаад экспортлох бүрэн бололцоотойг хэллээ.
Уулзалтын үеэр оюутнууд сурах орчин нөхцөл тааруу, жишигт нийцсэн лаборатори, техник хэрэгслүүд дутмаг байдаг. Хэдийгээр ойрын ирээдүйд эрэлт нь өсөн нэмэгдэх мэргэжил салбар боловч тус салбарыг сонирхох залуусын тоо бусад салбараас маш бага байсаар байна. Тиймээс шинжлэх ухааныг сонирхож, ирээдүй харсан зөв сонголт хийх, энэ чиглэлийн сургуулиудад төрөөс дэмжлэг үзүүлдэг болоход анхаарахыг хүслээ.
Мөн цаашид орон нутагтаа ч суралцах боломжтой их сургуулийг байгуулах, Сэргээгдэх эрчим хүчнний салбарыг сурталчлах, байгаль орчин, эдийн засагт үзүүлэх эерэг нөлөөллийн талаар танин мэдүүлэх арга хэмжээг хэрэгжүүлэха нь цаашид энэ салбарын боловсон хүчний тоо нэмэгдэхэд ач холбогдолтой талаар хэллээ.
Эдийн засаг, хөгжлийн Дэд сайд Г.Түвдэндорж саналыг хүлээн авч, Сэргээгдэх эрчим хүчний салбарт ЭЗХЯ-ны зүгээс боломжит бүх дэмжлэгийг судалж, бусад салбаруудтай уялдаа холбоотой ажиллахаа илэрхийлэв.
