1900 оны эхээр явган зорчигчийн гарц байхгүйгээс АНУ, Их Британид осол аваар ихээр гарч байжээ. Тэгээд ослыг бууруулах, явган зорчигчдын аюулгүй байдлыг хангах үүднээс хоёр улс явган хүний гарцыг янз бүрийн загвараар туршиж үзжээ. Тэгээд 1931 онд Англид өргөн хүрээтэй туршилт явуулж, явган зорчигчдыг явган хүний гарцын загвараар зам хөндлөн гарахыг зөвшөөрсөн байна. Нэгэн өдөр туршилтын явган хүний гарцаар гарч байсан тахийг хараад Британийн улс төрч хар, цагаан хээг нь анзаарч “Зебра гарц” гэж нэрлэснээр бидний мэдэх өнөөдрийн явган хүний гарцын нэршил бий болжээ.
Эцэст нь янз бүрийн загварыг туршиж үзсэний дараа хар цагаан туузын загвар нь хамгийн үр дүнтэй болох нь батлагдсан. Учир нь энэхүү өнгөний хослолыг жолооч нар явган хүний гарц руу дөхөхөөс өмнө холоос харж, тээврийн хэрэгслийнхээ хурдыг сааруулдаг байв. Ийнхүү 1951 онд “Зебра гарц”-ыг ихэнх улс орнууд хүлээн зөвшөөрч, дэлхий даяар жишиг болсон байна.
