Хятадын сорьц авах сансрын хөлөг сарны судлагдаагүй захаас хамгийн анхны дээж бүхий чулуунуудыг дэлхий дээр авчирлаа.
Чанге-6 нэртэй хөлөг нь зургаадугаар сарын 25-ны өдөр Өвөр Монголын цөлд газардсан бөгөөд хоёр сар орчим хугацааны эрсдэлтэй даалгавраасаа буцаж ирээд буй нь энэ юм.
Чанге-6-гийн авчирсан дээж нь гараг хэрхэн бүрэлддэг талаар оньсогыг тайлна хэмээн шинжлэх ухаанчид итгэж буй учир сансрын хөлгийг лабораторид ирэхийг тэсэн ядан хүлээж байна.
Энэ үйл явдлаараа Хятад сарны цаад захад газардсан цорын ганц орон болсон. Цаад зах нь дэлхийгээс харагдах талын нөгөө тал нь бөгөөд туулах зай болон аварга хонхор газрууд ихтэйгээрээ аялахад хэцүү хэсэгт тооцогддог.
Чанге-6 нь тавдугаар сарын эхэнд сансрын төвөөс хөөрсөн бөгөөд хэдэн долоо хоногийн дараа сарны өмнөд туйлд ойртон очсон юм. Хөлөг нь сарны цаад захад очсон даруйдаа хятадын тугийг газарт зоон, робот гар болон өрмөөр чулууг авч, хэд хэдэн зураг даржээ.
Сүүлийн 10 жилийн хугацаанд Бээжингийн засгийн газар АНУ болон Орос улсуудтай мөр зэрэгцэхийн тулд өөрийн сансрын хөтөлбөртөө асар их хэмжээний хөрөнгө оруулалт хийсэн билээ.
Эх сурвалж – https://www.bbc.com/news/articles/c04447venm1o
Бэлтгэсэн дадлагажигч оюутан Э.Номин
