Зэрлэг шимпанзе өвчин намдаах, нянгийн эсрэг үйлчилгээтэй ургамлуудыг иддэг бөгөөд өөрсдийгөө эдгээдэг гэж эрдэмтэд хэлж байна.
Тэдний Угандагийн ойд явуулсан нэгэн туршилт нь гэмтсэн эсвэл өвчтэй мэт харагдсан амьтдыг тодорхой цэгт авчиран өөрсдийгөө эмчлэх чадалтай эсэхийг нь ажиглах явдал байв. Гэмтсэн амьтад ойгоос идэх ямар нэгэн зүйл хайж олоход судлаачид тэр ургамлаас нь дээж цуглуулж шинжилжээ. Туршилтанд хамрагдасан ихэнх ургамлууд бактерийн эсрэг шинж чанартай байв. “PLOS One” сэтгүүлд судалгааныхаа үр дүнг нийтэлсэн бөгөөд үүнд шиманзенууд эмнэлгийн салбарт хөрөнгө оруулалт болох шинэ эмийг олоход хэрэгтэй амьтад байх өндөр магадлалтай болохыг дурджээ.
“Мэдээж бид энэ ойд байгаа бүх ургамлын зүйлийг судалж гүйцэхгүй. Гэхдээ шимпанзенуудын мөрөөр эмийн ургамал олох нь илүү хялбар болох боломж байна” хэмээн Оксфордын Их Сургуулийн доктор Элоди Фрейман хэлэв.
Тэрбээр үргэлжлүүлэн нэгэн шимпанзег онцолсон нь гарандаа хүнд гэмтэл авсан бич юм. “Сүрэг нь бүгд өөр хоол идэж байхад, ганц тэр шимпанзе л өөр навч хайхаар явсан. Тэгэхдээ нэгэн төрлийн тагнай өвсийг авчирсан юм.”
Судлаачид тэрхүү тагнай өвсийг дараа нь судалж үзэхэд Кристелла Параситика гэх өрөвслийн эсрэг хүчтэй шинж чанартай ургамал болох нь тогтоогдсон. Энэ маягаар тэд нийт 13 өөр ургамлын зүйлийн 17 ширхэг дээжийг цуглуулсан бөгөөд Герман дахь Небранденбург Шинжлэх Ухааны Их Сургуулийн доктороор шалгуулав.
Үүний үр дүнд нийт ургамлын 90 хувь нь бактерийн эсрэг, байгалийн үрэвсэл дарах шинжтэй хариу гарчээ. “Нэг гараа ашиглаж чадахгүй алхаж байсан шимпанзе маань хэдхэн хоногийн дараа гэхэд гараараа явдаг болсон байсан” хэмээн доктор Фрейман эцэст нь хэллээ.
Эх сурвалж – https://www.bbc.com/news/articles/ce994dv9q4eo
Бэлтгэсэн дадлагажигч оюутан Э.Номин