Холливудын домогт жүжигчин Мэрилин Монрод зориулсан томоохон үзэсгэлэнг ирэх сарын буюу тавдугаар сарын 31-нд Academy “Museum of Motion Pictures”-д дэлгэхээр болжээ. “Marilyn Monroe: Hollywood Icon” нэртэй тус үзэсгэлэнд түүний олон нийтийн дүр төрх болон хувийн амьдралыг хослуулсан ховор, хувийн эд зүйлсийг дэлгэн үзүүлэх юм.
Үзэсгэлэнгийн гол цуглуулгад түүний нас барсан өдрөө буюу 1962 оны наймдугаар сард, Лос Анжелес дахь гэртээ тавилга худалдан авах гарын үсгээ зурсан сүүлчийн чекүүдийн нэг багтах аж. Мөн түүний загварын нөлөө, өөрийн дүр төрхийг бүтээх арга барилдаа хэрэглэдэг өдөр тутмын хэрэглээний эд зүйлсийг толилуулах ба харамсалтай нь түүний өөртөө тусгайлан оёулж байсан ч хараахан өмсөж амжаагүй даашинзыг ч харах боломжтой.
Үзэсгэлэнгийн зохион байгуулагчид “Энэ үзэсгэлэнгээр түүний кино, загвар болон алдартны соёлд үзүүлсэн нөлөөг дахин тодотгож, түүхэн өвийг нь шинэ өнцгөөс харуулах мөн Монрогийн жинхэнэ дүр болох Норма Жин Мортенсон болон дэлхийн хэмжээний одын имижийн ялгааг харуулахыг зорино” гэжээ.
