Өмнөд Солонгос улс К-поп урлагийн салбарт хөл тавьж, дуучны карьераа эхлүүлэхийг мөрөөддөг гадаадын иргэдэд зориулан шинэ виз гаргахаа зарлалаа. Тун удахгүй хэрэглэгдэж эхлэх уг виз нь тус улсын аялал жуулчлалын салбарыг COVID-19 цар тахлын өмнө байсан өндөр түвшинд хүргэх зорилготой уялдаж байгаа юм.
Өнгөрөгч даваа гарагт Санхүүгийн Яамнаас гаргасан мэдээллийн дагуу “Солонгос Соёлын Бэлтгэгдэгч Виз” хэмээн нэрлэгдсэн уг виз нь к-поп дуу хөгжим, бүжиг дэглэлт, модел зэргээр суралцан ажиллах хүсэлтэй гадаадын иргэдэд зориулагдана.
Одоогийн байдлаар визэнд өргөдөл гаргагчид нь ямар нэгэн энтертайнмент агентлагт сонгон шалгаруулалтанд оролцож, тэнцсэн байх шаардлагагүй гэв. Гэвч энэ оны дараагаар илүү дэлгэрэнгүй мэдээлэл гарахад уг шаардлага нь өөрчлөгдсөн байж болзошгүйг үгүйсгэхгүй.
Солонгос урлагийн бүтээгдэхүүнүүд болох хамтлаг дуунууд, олон ангит кино зэрэг нь дэлхийг байлдан дагуулж олон гадаадын иргэдийг солонгос хэл сурч, дуртай киноныхоо зураг авалт болсон газруудаар аялах хүсэлтэй болгосон. Энэ байдлыг улсдаа ашигтайгаар эргүүлэхийн тулд хийж буй бодлогуудын нэгт уг шинэ виз орж байна.
Гэвч зарим мэргэжилтнүүд энэхүү визний хэрэглэгчид яваандаа гадаад ажлын хүчинг ихэсгэж, “хамгийн бага төрөлттэй” орнуудын нэгдүгээрт бичигддэг уг улсын байдлыг улам дордуулах боломжтойг анхааруулж байна.
Эх сурвалж – https://edition.cnn.com/travel/south-korea-kpop-visa-intl-hnk/index.html
Бэлтгэсэн дадлагажигч оюутан Э.Номин
