Германы Хамбург хотод Евро 2024 хөлбөмбөгийн тэмцээн болохоор төлөвлөгдсөнийг хөлбөмбөг сонирхогчид сайн мэднэ. Тэгвэл өнгөрөгч ням гарагт уг тэмцээн эхлэхээс цагийн өмнө нэгэн залуу цагдаагийн оффицерууд руу сүх далайлган, тэднийг сүрдүүлсэн бөгөөд түүнийг Герман цагдаа буудсан хэрэг гарсан байна.
Залуу Хамбург хотын алдарт хороолол болох Сейнт Паулид хуваарилагдан ажиллаж байсан цагдаа нарыг сүрдүүлсэн бөгөөд Хамбург хотын цагдаагийн мэдүүлснээр тэр хөлөндөө буудуулсан байна. Одоогийн байдлаар хэрэгтэн эмнэлэгт хүргэгдэн, эмчлүүлж байгаа юм.
Энэхүү хэрэг нь Евро 2024 тэмцээний шүтэн бишрэгчдийн цугласан байсан газраас 700 метрийн цаана болсон. Гэвч цагдаа нарын үзэж байгаагаар хэрэгтний хийсэн үйлдэл нь удахгүй болох гэж байсан Польш Нидерланд улсуудын хоорондын тэмцээнтэй холбогдолгүй гэв. Мөн ямар нэгэн террорист үйл ажиллагаатай ч холбоо байхгүй гэж мэдүүлэв.
Өнгөрөгч баасан гарагаас эхлэн Герман улс нэг сарын хугацаанд үргэлжлэх уг том тэмцээнд мянга, мянган гадаад шүтэн бишрэгчдийг хүлээн авч байгаа. Дотоод Хэргийн Яамны сайд Нанси Физер пүрэв гарагт өгсөн мэдэгдэлдээ эрх баригчид болон тэмцээний зохион байгуулагчид Исламын шашинтай холбоотой ямар нэгэн халдлага, эсвэл хүчингээс болгоомжлон сэрэмжтэй ажиллаж байгаа болохыг дурдсан юм.
Эх сурвалж – https://edition.cnn.com/2024/06/16/europe/hamburg-germany-shooting-euro-2024-intl/index.html
Бэлтгэсэн дадлагажигч оюутан Э.Номин