Австрали эмэгтэйчүүд гэр бүлийн хүчирхийллийн эсрэг арга хэмжээ авахыг идэвхтэй шаардаж байгааг тус улсын ерөнхий сайд “үндэсний хямрал” гэж тодорхойллоо. Үүнтэй холбогдуулан нэг муж эрчүүдийн зан үйлийг сайжруулах үүрэгтэй тусгай албан тушаалтныг томилжээ.
Ерөнхий сайд Жакинта Аллан өнгөрөгч лхагва гарагт мужын гишүүн Тим Ричардсоныг эрэгтэйчүүдийн зан үйлийн өөрчлөлт хариуцсан парламентын нарийн бичгийн даргаар томилов. Энэ төрлийн албан тушаал шинээр гарсан нь тус улсын хувьд анхны үзэгдэл юм.
Ричардсон эрэгтэйчүүдийн эмэгтэйчүүдэд хандах зөв боловсон хандлага, хүндэтгэлтэй харилцааг бий болгоход интернет болон цахим орчноор дамжуулан анхаарал хандуулах болно гэжээ. Энэ нь “амархан ажил биш боловч манай улсын хувьд тулгамдсан чухал асуудал юм” гэж тэр нэмж хэлэв.
Үнэхээр л хүйсийн тэгш бус байдал Австрали улсын хувьд тулгараад буй хамгийн том асуудлын нэгдүгээрт жагсаж байгаа юм. 2024 он гарснаас өдийг хүртэл богинохон хугацаанд нийт 31 эмэгтэй зөвхөн хүчирхийллийн улмаас нас барсан бөгөөд өнгөрсөн жил энэ тоо нь 64 байжээ.
Эх сурвалж – https://edition.cnn.com/2024/05/29/australia/australia-mens-behavior-violence-intl-hnk/index.html
Бэлтгэсэн дадлагажигч оюутан Э.Номин
