Өнгөрөгч ням гарагт Хятадын ерөнхий сайд Ли Цян улсаас дахин хос аварга пандаг Австрали улс руу илгээх болсныг мэдэгдэв.
Ли Цянгийн Австралид хийсэн айлчлал нь сүүлийн долоон жилд анх удаа хоёр улсын хооронд хийгдсэн улс төрийн уулзалт юм. 2020 онд COVID-19 цар тахлын үеэр Австралийн тухайн үеийн ерөнхий сайд Скотт Моррисон уг вирусын гарал үүсэл болсон Хятадыг сайтар шалгах хэрэгтэй гэсэн мэдэгдэл хийснээс хойш Бээжин хот Австралиас орж ирдэг дарсны татварыг нэмж, арвай, мод, нүүрс зэргийг хориглож байв.
Харин 2022 онд Австралид Хөдөлмөрийн нам засгийн эрхэнд гарснаас хойш хоёр орны харилцаа сэргэжээ.
Австралийн засгийн газрын мэдээлснээр Хятад нь тус улсын хамгийн том худалдааны түнш бөгөөд гадаад худалдааны бараг гуравны нэгийг бүрдүүлдэг байна. Харин нөгөө талд Австралиас орж ирдэг түүхий эд зогсоги байдалд орсон Бээжингийн эдийн засагт чухал нөлөө үзүүлэх юм.
Ийм ч учраас хоёр улсын нөхөрсөг харилцааг эргэн сэргээх цаад бодлогын хүрээнд Хятадаас хоёр аварга том пандаг Австралид бэлэглэлээ.
Эх сурвалж – https://edition.cnn.com/2024/06/16/australia/china-australia-pandas-adelaide-intl-hnk/index.html
Бэлтгэсэн дадлагажигч оюутан Э.Номин
