Хонг Конгийг Бээжин болон Шанхайтай холбох унтлагын ортой шинэ хурдны галт тэрэг явж эхэллээ.
Өнгөрөгч зургаадугаар сарын 15-ны өдрөөс эхлэн Бээжин болон Шанхайгийн чиглэлд шинэ хурдны галт тэрэгний зам ашиглалтанд орж, Хонг Конгоос хот хоорондох аялалаа үргэлжлүүлэхэд илүү хялбар болжээ.
Хоёр галт тэрэг нь Хонг Конгийн Баруун Көүлүүн буудлаас оройдоо хөдөлж Бээжинд өглөөний зургаан цаг 53 минутад, Шанхайд зургаан цаг 45 минутад ирэх хуваарьтай. Тэгэхээр хоёр галт тэрэгний аялал нь ойролцоогоор 11-12 цагийн хугацаанд үргэлжлэх юм. Харин буцахдаа Шанхай болон Бээжингээс оройн найман цагт хөдөлж, Хонг Конгд өглөөний найман цаг 47 минутад ирнэ. Эдгээр аялалууд нь долоо хоногт дөрвөн удаа оройн цагаар Баасан гарагаас Даваа гараг хүртэл явагдах юм.
Орчин үеийн унтлагын ортой шинэ хурдны галт тэрэг 13 унтлагын кабин, хоёр суудлын тасалгаа болоод нэг хоолны тасалгаа бүхий нийт 16 бүхээгтэй. Та гурван төрлийн суудлаас сонгож болох бөгөөд эдгээрт стандарт унтлагын, нэгдүгээр зэрэглэл буюу унтлагын, хоёрдугаар зэрэглэл буюу суудлын гэх мэт сонголт орно.
Стандарт унтлагын кабин нь дөрвөн хүн унтах боломжтой хоёр давхар ортой. Хоёрдугаар зэрэглэлийн хувилбар нь давхар орноос гадна, буйдан, хувцасны шүүгээтэй юм.
Ийнхүү энэ зун богино хугацаанд Хятадын том хотуудаар аялах зорилготой жуулчид шинэ хурдны галт тэргээр зорчин цагаа хэмнэх боломжтой болжээ.
Эх сурвалж – https://edition.cnn.com/2024/06/16/travel/high-speed-sleeper-train-hong-kong-beijing-shanghai-intl-hnk/index.html
