Хятадын цаг уурын албаны мэдээлснээр, энэ долоо хоногт Хятадын хойд нутгийн томоохон бүсийг хамарсан халууны давалгаа зарим бүс нутагт түүхэнд байгаагүй дээд температур авчрах төлөвтэй байна.
Бямба гарагт эхэлсэн халууны давалгаа засгийн газрын цаг агаарын сэрэмжлүүлгийг аль хэдийн эхлүүлсэн бөгөөд энэ нь тус улсын түүхэн дэх хамгийн халуун зуны эхлэл болжээ. Даваа гарагт үндэсний ажиглалтын төвөөс өндөр температурын улбар шар өнгийн туг бүхий сэрэмжлүүлэг гаргасан нь хоёр дахь хамгийн хүчтэй сэрэмжлүүлэг бөгөөд тус улсын хойд хэсгээр гэрээс гарахын аргагүй халуу дүүгэж байгаа аж.
Ням гарагт далайн эргийн Шаньдун мужид улсын цаг уурын долоон станц зургаадугаар сарын эхэн үеийн хамгийн өндөр температурыг тэмдэглэсэн бол хойд Хэбэй муж болон Шинжяны баруун бүс нутагт агаарын температур 40 хэмээс дээш халсан тухай Үндэсний цаг уурын газраас мэдээлэв.
Гэхдээ хаврын халууныг үзсэн хүмүүст уг нөхцөл байдал нь тийм ч цочирдом зүйл биш юм. Хятад улс энэ жил түүхэндээ байгаагүй халуун хаврыг ч үзсэн. Гуравдугаар сараас тавдугаар сарын хооронд улсын дундаж температур Цельсийн 12.3 хэмд хүрсэн нь 1961 онд бүртгэгдэж эхэлснээс хойших хамгийн өндөр үзүүлэлт болж, улсын 12 цаг уурын станц агаарын температурыг дээд амжилт тогтоосон буюу дунджаас давсан байна гэжээ.
Үүний зэрэгцээ Хятадын өмнөд хэсгийн зарим газар хэдэн долоо хоног үргэлжлэн аадар бороотой тэмцэж байна. Гуандун мужид дөрөвдүгээр сард их хэмжээний хур тунадас орж үхлийн аюултай үер үүсгэсэн бөгөөд 1998 оноос хойш хамгийн эрт болсон үер усны аюул нь тийн бүртгэгдсэн юм.
Эх сурвалж – https://edition.cnn.com/2024/06/10/china/northern-china-heat-wave-intl-hnk/index.html
Бэлтгэсэн дадлагажигч оюутан Э.Номин
