Өнөөдрийн байдлаар, Онон голын эх, Орхон голын адаг, Хангайн нуруунаас эхтэй Цагаантуруут, Богд, Чигэстэй, Булган, Онги голын усны түвшин өмнөх өдрийнхөөс 5-15 см нэмэгдлээ. Сэлбэ гол Санзай, Дамбадаржаа орчмоор үерийн түвшинг 5 см-ээр даван үерлэж байна. Ховд гол Ховд аймгийн Мянгад сум, Булган гол Байтаг сум, Үенч гол Үенч сум орчмоор үерийн түвшинг 5-30 см давлаа.
Эдгээр голын сав дагуу нутаглаж буй малчид, тариаланчид, аж ахуйн нэгж, байгууллага, ард иргэдийг үерийн аюулаас сэрэмжлэхийг УЦУОСМХ-н Гадаргын усны судалгааны хэлтэс онцгойлон анхаарууллаа.
