Монгол Улсын Ерөнхийлөгч У.Хүрэлсүх тэргүүтэй төрийн айлчлалын баг Казахстаны Астана хотод байрлах Alem AI хиймэл оюун ухааны олон улсын төвтэй /2026.04.21/ танилцлаа. Казахстан улс 2030 он гэхэд нэг сая хүнийг AI чадварт сургах зорилготой тавьсан бөгөөд энэхүү төв нь ирээдүйд бүс нутагтаа технологи, инновацын гол нэгдэл болох зорилготой ажээ.
Астанагийн хиймэл оюун ухааны олон улсын төвийн үндсэн зорилго нь Казахстан улсыг цахимжуулах. Мөн хиймэл оюуны талаар мэдээлэл дутмаг сургуулийн сурагчид, оюутнууд, ахмад үеийнхэнд хүртэл ойлголт өгч, бүтээмжийг нэмэгдүүлэх юм. Казахстаны хүн амын бүхий л давхаргын төлөөллийг нэгтгэх тусгай талбар байгуулахаар ажиллаж байгаа нь цаг үеэ олсон мэдрэмжтэй бүтээн байгуулалт ажээ.
ALEM AI төв нь найман давхар, олон үйл ажиллагааг нэг дор төвлөрүүлсэн байгууламж юм.
Нэг давхарт нийтийн орон зай болон AI музей, үзэсгэлэн, Хакатон, арга хэмжээ зохион байгуулах боломжтой заал байдаг.
2-3 давхарт 12–18 насныханд зориулсан орчин байх бөгөөд программчлал, анимаци, дизайн зэрэг сургалт байдаг.
4-5 давхарт туршлага шаардлагагүй AI сургалт, peer – to- peer систем буюу оюутнууд хоорондоо суралцах боломж.
Зургаан давхарт стартап инкубатор болон AI бүтээгдэхүүн хөгжүүлэлтийн хэсэг
Долоон давхарт судалгаа, технологи хөгжүүлэлт болон томоохон компаниудтай хамтын ажиллагаа
Найман давхарт, төрийн удирдлагад AI нэвтрүүлэх, дижитал засаглал хөгжүүлэх хэсэг
Дээрх зургууд нь ALEM AI хиймэл оюун ухааны олон улсын төвийн зөвхөн нэг давхрын бүтээн байгуулалт болно.
Энэхүү хиймэл оюун ухааны төвд хүүхэд болон насанд хүрэгчдэд зориулсан бүх төрлийн сургалт, технологийн судалгаа, туршилт, олон нийтэд чиглэсэн үйлчилгээ явуулах сүүлийн үеийн зорилтот орчинг бүрдүүлжээ.
Манай ерөнхийлөгч ичсэн болов уу?
Угаасаа элгэндээ наасан болохоор хамаагүй байсан болов уу? 🤦♀️