Нийслэлийн Засаг Дарга бөгөөд Улаанбаатар хотын захирагч Х.Нямбаатар удирдах ажилтны шуурхай зөвлөгөөний үеэр иргэдийн амь нас, эрүүл мэнд, өмч хөрөнгийг үер, усны аюулаас урьдчилан сэргийлэх ажлыг эрчимжүүлэхийг мэргэжлийн байгууллагуудад үүрэг болгосон.
Энэ чиглэлээр нийслэлийн Онцгой байдлын газар, нийслэлийн Газар зохион байгуулалтын алба, Баянзүрх дүүргийн Засаг Даргын Тамгын газар хамтран тус дүүргийн 21, 27, 29 дүгээр хорооны үерийн аюултай бүсэд зөвшөөрөлтэй болон зөвшөөрөлгүй суурьшсан айл өрхүүдэд мэдэгдэх хуудас хүргүүлж байна.
Дээрх гурван хороонд үерийн аюултай бүсэд суурьшсан 600 гаруй айл өрх байдаг бөгөөд тэдгээрийг аюулгүй, шинэ суурьшлын бүс рүү нүүлгэн шилжүүлэх, НОСК-ын орон сууцны хөтөлбөрт хамруулах боломжийг судалж байгаа юм.
Эх сурвалж: Нийслэлийн Онцгой Байдлын газар
