TEDxUlaanbaatar арга хэмжээ нь өргөн сэдвийг хамардгаараа онцлог билээ. Залууст урам зориг, бүтээлч санааг түгээхээр энэ жилийн TEDxUlaanbaatar арга хэмжээ “Ignite” сэдвийн хүрээнд сэтгэлзүйн эрүүл мэнд, нийгмийн энтерпрайз, AI технологи, хуурамч мэдээлэл, хувь хүний мэдээллийн нууцлал, хөдөөгийн амьдрал зэрэг сэдвийг хөндөх болно. Арга хэмжээний илтгэгч нартай танилцахыг хүсвэл TEDxUlaanbaatar хуудсаар зочлоорой. Гэхдээ энэ бол зөвхөн TEDxUlaanbaatar арга хэмжээний нэг хэсэг гэдгийг бүү мартаарай.
-Хамгийн сонирхолтой илтгэлүүд
-Хамгийн олон салбарын төлөөлөл
-Хамгийн шинэлэг тоглолтууд
-Хамгийн эерэг уур амьсгал
Энэ жилийн онцлог бол экологийн ул мөрөө багасгах хамтын хүчин чармайлтыг TEDxUlaanbaatar арга хэмжээгээр дамжуулан та бүхэндээ хүргэхээр бэлдээд байна.
- ТОЙРОГ: Хуучин хувцасны соёлыг түгээж байгаа тэд хуучин хувцсыг амь оруулдаг. Тэд хуучин хувцсаар дахин ашиглагдах “фото баннер” хийж байгаа бөгөөд хулдаасан хэвлэлээс татгалзаж байна. Харин бусад хэвлэлийг даавуугаар шийдэж дараа нь “upcycle” хийн даавуун тор хийхээр төлөвлөж байна.
- ОЙМ УРЛАН: Цэцэг ургамлаар дамжуулан байгальд ээлтэй амдралын хэв маягийг түгээхийг зорьж ажилладаг. Хүн бүр жижиг ч гэсэн ургамал тарьж, ургуулж чадвал дэлхийн ногоон байгууламжийг нэмэгдүүлж, байгаль дэлхийгээ хайрладаг хүмүүс улам олуулаа болно гэдэгт чин сэтгэлээсээ итгэдэг. “Ойм”-ын хамт олон амьд ургамлан хана, үзэсгэлэнт цэцэгсээр интерьерийн гайхамшигтай шийдлийг танд мэдрүүлж, амьдралын чанарыг тань тасралтгүй сайжруулахаар ажиллаж байна.
- Ré PAPER STUDIO/ Ré ЦААСНЫ СТУДИ: Тэд аргал, малын өтөг бууц болон хуучин хувцаснаас цаас гаргаж авах технологийг Монголд анх удаа нэвтрүүлсэн. Нэрийн хуудас, шошго, мандат, брошураас эхлээд А4 хүртэлх хэмжээтэй хэвлэлүүд хийх боломжтой. Та аргалаар хэрхэн цаас хийхтэй танилцан, бүтээлч хана хамтдаа үүсгэж болно.
- FOODY MONGOLIA: Эх дэлхий дээр амьдарч буй бүхий л амьд амьтдыг хамгаалан хүндэтгэх зорилгоор бид ургамлын гаралтай хоол хүнсийг урладаг хамт олон бол “ФҮҮДИ Монголиа” билээ. ТEDxUlaanbaatar үзэгчиддээ ургамлын гаралтай хоолны сонголтыг санал болохоор бэлтгэж байна.
- TREELINGS: Та хэр хэмжээний нүүрстөрөгчийн хий (CO2) ялгаруулдаг вэ?
Мод бүрийг ургуулж үлдээх технологийн шийдлийг “Treelings” санал болгодог билээ. Та арга хэмжээний үеэр дээрх асуултын хариултыг мэдэж авч болохоос гадна ялгаруулсан CO2-оо хэрхэн бууруулах талаар ч мэдэж авах боломжтой.
- ИНМО: PET буюу ус ундааны савыг дахин ашиглах боломжтой материал болгон ашиглаж 3D принтерээр содон, давтагдашгүй шийдлүүдийг гаргах боломжтой. “Инмо”-гийн залуучууд хуванцрын хаягдалд шинэ амьдрал бэлэглэсээр байна.
Экологийн ул мөрийг бууруулах, байгальд ээлтэй ухаалаг хэрэглээг хэвшүүлэх, хог хаягдлыг бууруулах нь бидний сонголтоос хамааралтай болохыг арга хэмжээний “IGNITE IN NATURE: Creative Space”-ээс сонирхоорой. Үзэсгэлэнгийн куратороор “Инмо” компанийн үүсгэн байгуулагч, архитектор Б.Тэргэл ажиллаж байна.
Өөртөө хийсэн ТАНЫ хамгийн том хөрөнгө оруулалтын нэг байх болно.
🗓️: 2024/05/19
🕘: 10:00 – 16:00
🔻: Улсын Драмын Эрдмийн Театр
🎫: https://www.eventx.mn/event/tedxulaanbaatar-2024-ignite-559152 /Storepay ашиглах боломжтой/.
