Францын Дотоод хэргийн яам тавдугаар сарын 8-ны орой Олимпийн бамбарыг Марсель хотод ирснээс хойш Олимпийн бамбарыг буухиалахад саад учруулах гэсэн 32 оролдлогыг зогсоосон гэж мэдэгдэв.
⠀
“Дотоод хэргийн яам буухиа уралдаанд саад учруулах 20 дроны 32 оролдлого, олимпийн галыг нэвтлэх гэсэн хоёр оролдлогоос урьдчилан сэргийлжээ.
“Өнөөдрийн байдлаар 331 мянган захиргааны мөрдөн байцаалтын ажиллагаа явуулсны дүнд буухиаг үргэлжлүүлэхэд саад учруулах зорилготой 1193 хүнийг илрүүлсэн байна. Эдгээрээс 30 нь fiche S жагсаалтад (аюулгүй байдалд заналхийлж буй хүмүүс), 13 нь хэт зүүний, 5 нь хэт барууны идэвхтэн, 7 нь радикал лалын шашинтнууд байжээ. Мөн олимпийн наадмыг зохион байгуулахад сайн дурынхныг оролцуулаад зуу гаруй хүнийг түдгэлзүүлсэн” гэв.
⠀
Олимпийн гал 12 мянган километр замыг туулж, 400 хотыг дайран өнгөрч, долдугаар сарын 26-нд Парист ирэх ёстой.
⠀
Тус буухиаг 18 гүйгч, нэг автомашин, 12 мотоцикль, хөдөлгөөнт цагдаагийн анги, нисгэгчгүй нисэх машин, жандармерийн анги нээнэ. Cnews телевизийн сувгийн мэдээлснээр буухиаг зохион байгуулахад улсаас дор хаяж нэг сая еврогийн зардал гарч байгаа гэжээ.
⠀
Парисын олимп долдугаар сарын 26-наас наймдугаар сарын 11-ний хооронд болно.
