Малави улсын дэд ерөнхийлөгч Саулос Чилимагаас гадна өөр есөн хүний сууж явсан онгоц даваа гарагт хуваарийн дагуу газардаж чадаагүйн улмаас сураггүй алга болсон талаар ерөнхийлөгчийн тамгын газраас мэдээллээ.
Чилима болон бусад хүмүүсийг тээвэрлэж явсан Малавигийн Батлан хамгаалахын нисэх онгоц орон нутгийн цагаар өглөөний 9:17 цагт Лилонгвегийн нийслэлээс хөдөлсөн гэж засгийн газрын мэдэгдэлд дурджээ.
Онгоц Лилонгве хотоос хойд зүгт 380 км зайд орших Мзузу олон улсын нисэх онгоцны буудалд газардахаар төлөвлөж байсан ч ирээгүй бөгөөд гэрэлт долгионоор илрүүлэх боломжгүй болсон гэж албаныхан мэдэгдэв.
“Онгоц радараас гарснаас хойш нисэхийн удирдлагуудын бүх хүчин чармайлт амжилтгүй болсон” гэж ерөнхийлөгчийн мэдэгдэлд дурджээ.
“Иймээс Малавигийн Батлан хамгаалах хүчний командлагч, генерал Валентино Пири болсон явдлын талаар ерөнхийлөгч Лазарус Маккарти Чакверад мэдэгдсэн бөгөөд үүний дараа ерөнхийлөгч Багамын арлууд руу явахаар төлөвлөж байсан аяллаа цуцалж, бүс нутгийн болон үндэсний бүх агентлагуудад онгоцыг хайх үүрэг өгсөн. Онгоцны байршлыг олохын тулд нэн даруй эрэн хайх, аврах ажиллагааг явуулна” гэж мэдэгдэлд нэмж хэлэв.
Эх сурвалж – https://edition.cnn.com/2024/06/10/africa/malawi-vice-president-plane-intl/index.html
Бэлтгэсэн дадлагажигч оюутан Э.Номин
