Испанийн Прадо музей энэ даваа гарагт нэгэн мэдэгдэл гаргасан нь 2021 онд Мадрид хотод дуудлага худалдаанд оруулахаар төлөвлөж байсан уран зураг нь үнэн хэрэгтээ Италийн барокко урлагийн мастер Микеланджело Мериси да Караважогийн бүтээл болохыг баталж, алдагдсан байсан гэжээ. Мөн мэдэгдэлдээ “Ecce Homo” (Латин хэлээр “Хүнийг харагтун”) нэртэй уг бүтээлийг зургийн эзэнтэй нь тохиролцсоны дагуу тавдугаар сарын 27-ноос аравдугаар сар хүртэл тусгай үзэсгэлэн болгон дэлгэнэ гэв.
“Энэхүү гайхамшигт уран зураг нь гурван жилийн өмнө дуудлага худалдаагаар дахин гарч ирснээсээ хойш урлагийн түүхэн дэх хамгийн агуу нээлтүүдийн нэг болж байна” гэж музейгээс мэдээллээ. Мөн “Бидний хувьд Караважогийн энэхүү шинэ бүтээлийг олон нийт болон шүүмжлэгчдэд толилуулж байгаадаа баяртай байна” гэжээ.
Италийн агуу зураачийн 1605-1609 онд зурсан эл зураг нэгэн цагт Испанийн IV Филипийн хувийн цуглуулгад багтсан гэж үздэг. Мөн Караважогийн одоог хүртэл мэдэгдэж байгаа 60 орчим бүтээлүүдийн хамгийн үнэ цэнтэй зураг нь юм.
2022 оны дөрөвдүгээр сард Испанийн эрх баригчид 17-р зууны Испани зураач Хосе де Риберагийн шавьтай холбоотой бүтээлийн дуудлага худалдааг зогсоосон. Музей нь засгийн газарт Каравагжо байж магадгүй гэж мэдэгдсэний дараа тэд мөн экспортод хориг тавьсан. Уг зургийг дуудлага худалдаагаар 1500 евро буюу 1600 ам.доллараар зарах ёстой байв.
Зотон дээр тосон зурсан уг бүтээлд Есүс Христийг цовдлогдохоосоо өмнө олон түмэнд толилуулж буй Эцче Хомогийн Библийн хэсгийг дүрсэлжээ. Зургийн хэмжээ нь 111х86 сантиметр юм.
Хэдийгээр одоо хувийн өмчид байгаа ч засгийн газрын зөвшөөрөлгүйгээр уг зургийг Испаниас гаргахыг хориглосон байна.
Прадо 2021 оны дөрөвдүгээр сараас эхлэн уг бүтээлийг мэргэжилтнүүдтэй хамтран Колнаги арт галерейн хамгаалалтад авсан. Мөн зургийг Мадридын бүс нутгийн засгийн газрын мэргэжилтнүүдийн хяналтан дор мэргэжилтэн Андреа Циприани болон түүний багийнхан сэргээн засварлажээ.
