ТЭСО Группээс жил бүр уламжлан зохион байгуулдаг оюутан, залуусын ирээдүйд “гал” болж дүрэлзэх бяцхан “оч”-ийг асаах, практик ур чадварыг нь хөгжүүлэх, хүсэл зорилгыг нь урамшуулах зорилготой “SPARKDAY” төслийн уралдаан зарлагдлаа.
Энэ жилийн “SPARKDAY 2024” төслийн уралдааныг Олон улсын Төслийн удирдлагын институт “PMI”-ийн Монгол дахь салбар болох “Пи Эм Ай Монголиа Чаптэр” хамтран зохион байгуулж байгаа бөгөөд НҮБ-ын Тогтвортой хөгжлийн 17 зорилгын хэрэгжилтэд хувь нэмэр оруулах инновацыг шингээсэн төслүүдээр өрсөлдөх юм.
Төслийн уралдаанд Их дээд сургуулиудын 3 болон 4-р курсийн оюутнуудыг оролцуулах ба Тогтвортой хөгжлийн зорилгуудын хүрээнд үндэсний болон олон улсад үүсээд буй асуудлуудыг шийдвэрлэх төслийг бичих юм.
БҮРТГҮҮЛЭХ ХОЛБООС: https://ee.kobotoolbox.org/x/PbhWAQKI