Aмьдралд тань өнгө нэмэх сонирхолтой АРВАН ИНСТАГРАМ хаяг
Инстаграм гэх платформ улам л олон хэрэглэгчтэй болсоор. Зөвхөн хөөрхөн хүмүүс л хөтөлдөг гэх үзэл ард хоцорч төрөл бүрийн сонирхолтой хаягууд эрчийг авсаар байна. Бид энэ удаа өөр өөрийн онцлогтой, сонирхолтой гэсэн хаягуудыг түүвэрлэн бэлтгэлээ.
1.xuurtsag
Гадаад, дотоод, хуучны, орчин үеийн гээд бүх төрлийн дууг түүвэрлэн хүргэдэг хаяг. Дуу хөгжимгүйгээр хорвоо ертөнцийг төсөөлшгүй шүү дээ. Заримдаа сонсдог дуунуудаа өөрчилмөөр эсвэл шинэ дуу сонсмоор санагдах үе ч бишгүй. Тэгвэл энэ хаяг танд тусална гэдэгт итгэлтэй байна.
2.cookwithnami
Бид өдөр бүр шахуу ямар хоол хийх талаар боддог гэхэд хилсдэхгүй. Магадгүй энэ хаяг тэрхүү асуултад хариулж болох юм. Хоол хийх арга, жор нь энгийн ойлгомжтой болохоор сонирхоод үзээрэй.
3.hulan.healthlife
Зорилгодоо хүрч сайхан амьдрахын тулд хамгийн гол нь эрүүл байх хэрэгтэй. Тэгвэл энэхүү хаяг танд дасгал хөдөлгөөний ач холбогдол, гэрийн нөхцөлд хэрхэн зөв хийх талаар заах болно.
4.astrology.mn
Зурхай сонирхдог, итгэдэг хүмүүс дагаад үзэхэд илүүдэхгүй. Учир нь тус хаяг ямар нэгэн хийсвэр биш нарийн судалгаатай зурхайн холбогдолтой мэдээллийг оруулдаг.
5.sexual.educatio_n
Бидний тэр бүр нээлттэй байдаггүй эсвэл хэн нэгнээс асуухаас санаа зовдог бэлгийн боловсролын талаар мэдлэг олгодог хаяг.
6.photos_tricks117
Инстаграмдаа гоё зураг оруулчихмаар байдаг гэтэл яаж авхуулахаа мэдэхгүй байвал энэ хаяг танд тусална. Бас гэртээ сонирхолтой аргаар гар доорх материал ашиглан бүтээлч зураг авах арга ч бий…
7.icilamaison
Интериор дизайн сонирхдог эсвэл байраа тохижуулах гээд яах учраа мэдэхгүй байвал энэ хаяг руу ороод үзээрэй.
8.meminimalism
Эрүүл амьдралын хэв маягийг эрхэмлэдэг, байгальд ээлтэй хүн болоход тань тус болох хаяг гэдэгт итгэлтэй байна.