Бид өдөр тутамдаа олон төрлийн эвгүй үнэрийг мэдэрдэг. Нэг л мэдэхэд тогтсон үнэрийг хэрхэн гэрийн нөхцөлд амархан арилгах талаар хуваалцья.
– Хөргөгчнөөс таагүй үнэр үнэртвэл жүржийг хоёр хуваагаад хөргөгчиндөө хийгээрэй. Эсвэл цагаан цуу, овъёос, кофены үр, хүнсний сода зэргийг аяганд хийгээд хөргөгчиндөө хонуулаарай.
– Өрөөнөөс тамхины үнэрийг арилгахын тулд цонхоо онгойлгож, зузаан даавуун алчуур усанд норгоод өрөөний өнцөг буланд тавиарай. Ямар нэгэн бугласан, өмхий, ихүүн үнэрийг нойтон даавуу өөртөө шингээдэг тустай. Мөн цэнгэг үнэр бүхий агааржуулагч, лаа, жимсний үнэр зэргийг ашиглаж болно.
– Ховор хэрэглэдэг шаазан саванд эвгүй үнэр шингэсэн бол түүнийг сайн угааж, хуурай болтол нь арчаад, ёроолд нь ёотон тавиарай. Элсэн чихэр нь эвгүй үнэрийг дарахад тусалдаг. Халуун савны эвгүй үнэрийг арилгахын тулд түүнийг цууны хүчилтэй усаар зайлдаг. Мөн аяга тавагны шингэн хэрэглэх тусам алчуур, сав суулга эвгүй үнэртэй болох хугацаа нь хурдан. Тиймээс цэвэрлэгээний бодис сонгохдоо сайтар анхаараарай.
– Гал тогооны крантны тосгуураас эвгүй үнэр гарч байвал долоон хоногт нэг удаа кальцтай сод шингээсэн буцлам халуун усаар усны хоолойг нь цэвэрлэж бай. Нэг литр усанд хоолны халбагаар хоёр халбага сода хийнэ. Мөн кофены үр болон ногоон цайны хэрэглэсэн ууттай хандыг хэрэглэж болно. Хамгийн гол нь тогтмол хугацаанд ойр ойрхон сайн цэвэрлэгээ хийхгүй бол ямар ч үнэр 100 хувь алга болохгүй.
– Гал тогоонд эвгүй үнэр гарч эхэлвэл хайруулын тавган дээр бага зэрэг цууны хүчил асгаад түүнийг уурштал нь гал дээр тавих хэрэгтэй, эсвэл нимбэгний хуурай хальсыг ч шатааж болно. Мөн тансаг үнэртэй лаа.
– Цаасан дотор үнэртэй ус цацаад гутал дотроо хийгээд хонуулаарай. Эсвэл сода хийгээд наргүй газар хоёр хонуулаарай. Мөн хэрэглээгүй шинэ бакеттай цайнаас хоёр ширхэгийг хийж хонуулж болно. Нэмж хэлэхэд, хурц үнэртэй шингэнээр пүүз гутлаа угааж, салхинд сайтар хатааж байгаарай.