Жавар тачигнасан өвлийн улирал дуусах дөхөж хавар цаг айсуй энэ цаг үед “MORNING BIRD” булангийн уншигчдадаа Б.Явуухулангийн “Хүсэл” шүлгийг хуваалцъя.
Оломгүй хөх далай болох минь ч яалаа даа
Олдошгүй сайхан амрагаа мөнгөн хун болгоод
Оюу цэнхэр мандалдаа умбуулж шумбуулж хөвүүлэхсэн
Оломгүй хөх далай болох минь ч яалаа даа
Цэлмэг үдшийн тэнгэр болох минь ч яалаа даа
Чин сэтгэлийн амрагаа би тэргэл саран болгоод
Цэнхэр номин уудамдаа цэнгүүлж жаргуулж баярлуулахсан
Цэлмэг үдшийн тэнгэр болох минь ч яалаа даа
Оосоргүй цагаан гэр болох болох минь ч яалаа даа
Онгон зүрхний амрагаа би ган тулга болгоод
Оломгүй дурлалын гал ноцоож дөлөнд нь дулаацахсан
Оосоргүй цагаан гэр болох болох минь ч яалаа даа