Нийслэлийн иргэдийн хувьд агаарын бохирдол аюулт үзэгдлийн нэг. Хүний эрүүл мэндэд хортой хүнд элемент агуулсан агаарын бохирдол үүсгэгчдийн нэг нь автомашин. Өдөрт зам дээр зорчих 300-400 мянган тээврийн хэрэгслийн яндангаас ялгарах хорт утаа ямар түвшинд байгааг мэргэжлийн байгууллагууд хамтран шалгаж эхлээд байна. Ингэхдээ хорт утаа зөвшөөрөгдсөн хэмжээнээс өндөр гарсан тохиолдолд тухайн тээврийн хэрэгслийн гэрчилгээг хураан авч, зөрчлөө арилгасны дараа буцаан олгох аж.
