Лондон хотын төв кино театр ард иргэдийн хүчтэй эсэргүүцлийн улмаас зохиол нь бүхэлдээ хиймэл оюун ухаан ашиглан бичигдсэн киноны тусгай үзвэрийг цуцлав.
Сохо дүүрэг дэх Ханхүү Чарльзийн нэрэмжит кино театр ирэх ням гарагт “Сүүлчийн Бичээч” нэртэй бүхэлдээ ChatGPT дээр тулгуурлан бичигдсэн киног олон нийтэд хүргэх гэж байв. Киноны сэдэв нь хиймэл оюун ухаан бүхнийг хийх боломжтой болж буй энэ цаг үед бичээчийн амьдрал ч мөн адил хэрхэн орвонгоороо эргэж буйг харуулдаг тул кино театр “тулгараад буй нийгмийн асуудлыг хөндсөн” хэмээн толилуулах киногоороо сонгосон юм.
Тэгсэн хэдий ч үзэгчдийн хүчтэй эсэргүүцэл киноны маркетинг болон киноны тасалбарын борлуулалтанд нөлөөлж үзвэрийг цуцлахаас өөр аргагүйд хүрчээ. Кино театр болоод бусад Их Британийн кино судлаачдын зүгээс хиймэл оюун ухаан урлагийн салбарт нэвтрэх нь зайлшгүй тулгамдсан асуудал болохыг бататгаж, үүнээс үзэгчид зугтах биш, мэдлэгтэй болох хэрэгтэйг дурдлаа.
Эх сурвалж – https://www.bbc.com/news/articles/cjll3w15j0yo
Бэлтгэсэн дадлагажигч оюутан Э.Номин
