Монголын хамгийн анхны сүлжээ ресторан болох “Модерн Номадс”-ийн 20 жилийн ой энэ жил тохиож буй. Тэд салбартаа орчин, үйлчилгээ этгээд сонин хоолны нэрээр ялгарч зах зээлд жишиг тогтоон зочлох үйлчилгээний салбарт манлайлж буй үлгэр жишээ компаниудын нэг мөнөөс мөн.
Модерн номадсын сүлжээ ресторанууд болох Double Shot, Black Burger, Grill studio, Salm pub and bar, Crocus event hall мөн Hotel nine үндэсний анхны сүлжээ зочид буудал гэх зэрэг монголын хамгийн үнэнч үйлчлүүлэгчтэй газрууд эднийд харьяалагддаг гэдгээрээ онцгой.
“Нүүдэлчдийн соёлыг дэлхийд” уриатай номадсынхан хорин жилийн хугацаанд хийсэн бүтээснээ дүгнэх, тайлагнах, эл хугацаанд номадсын түүхийг хамтдаа бүтээлцсэн үнэнч харилцагч үйлчлүүлэгчдийнхээ дунд харилцагчдын баяраа Crocus event hall-д хийж, түүхээр аялсан халуун дулаан, онцгой нэгэн үдшийг хамтдаа тэмдэглэн өнгөрүүллээ.
Олон жил дамжсан монгол уламжлалт хоолны амтыг шингээсэн номадсын гаргасан “99 хоолны жортой” номоор зочиддоо урилга явуулсан нь томоохон үндэсний сүлжээ ресторан гэдгийг харуулсан мэт.
Өөрсдийн Бельгийн Slam Brau брэндийн алдарт шар айрагний гурван төрөл болон Дабл шот брэндийн амтат, өнгө өнгийн час хийсэн коктейлоор угтан авч үдшийн цэнгүүн эхэллээ. Угталтын хөгжөөнт тоглоом, монголын уламжлалт шагай наадгай, сээр цохих тэмцээн хүртэл байсан нь зочдыг хөгжөөж, өв уламжлалаа сурталчилсан төдийгүй орчин үеийн казино тоглоом хүртэл байсан нь бусад арга хэмжээнүүдээс илүү шинэлэг байв.
Хорин жилийн ойн арга хэмжээг нээж Номадсын сүлжээ рестораны үүсгэн байгуулагч М. Есөнмөнх, үйлчилгээний салбартаа томоохон компани болох “Номадс” сүлжээ ресторантай хамтран ажиллаж хөгжлийг хөтөлж, түүхийг бүтээлцэж буй 300 гаруй харилцагчиддаа талархалаа илэрхийлсэнээр, нэгэн зэрэг хөшиг татах үед өөрсдийн брэндийн найман төрлийн рестораны амтат хоол, үйлчилгээг бэлдсэн нь энэ үдшийн хамгийн оргил хэсэг байсан юм. Нүд гялбам, рестораны түвшний амтат хоолнууд болон яг л тэр ресторанд очсон мэт мэдрэмж төрүүлэхүйц орчин болон тохижилт өнгө төрхийг шингээсэн нь хэн бүхний сонирхлыг төрүүлж буй нь илт.
Номадсын сүлжээ нь монгол улсын урлаг соёлыг дэлхийд таниулхад чухал хувь нэмэрээ оруулдаг бөгөөд, Херо энтертэймэнттэй хамтран “Тамгагүй төр” жүжгийг амжилттай олны хүртээл болгоод буй. Тус арга хэмжээнд Баатар найруулагч болон нийт 80 гаруй уран бүтээлчид хүрэлцэн ирж, тэдний баярыг хуваалцсан сонирхолтой зочдын нэг байв. Түүнчлэн энтэртаймэнт хөтөлбөрт гадны болон дотоодын шилдэг хамтлаг дуучид, бүжигчид хүрэлцэн ирж хамтдаа дуулж, бүжиглэн халуун дулаан уур амьсгал бүрдүүлсэн юм.
Зочлох үйлчилгээний салбарт монгол үндэсний брендийг хөгжүүлж, дэлхийд танигдсан компани байхын тулд тасралтгүй урагшилж, нүүдэлчдийн соёлыг дэлхийд таниулах их үйлсэд нь амжилт хүсье Номадсчуудаа!
