Уншигчдадаа лхагва гарагийн мэнд хүргэе. Хавар цагын өдрүүд үргэлжилсээр…
Нэг орсон бороонд хоёр норж болохгүй
Нэгэнт дурласан хүнээсээ хоёр урваж чадахгүй
Чиний араншин хэнийх вэ
Миний араншин хаврынх аа
Хатуу цэвдэг хөрсөнд ургах л гэж ургана
Хайлган намар цагаар унах л гэж унана
Чиний тавилан хэнийх вэ
Миний зовлон цэцгийнх ээ
Олны дунд эрхэмсүү ч сэтгэлээрээ ганцаардана
Одны гэгээнд ханьсавч ч амархан уйдна
Чиний гуниг хэнийх вэ
Миний гуниг сарных аа…
