Прокуророос “иргэн А.А нь хуурамч диплом ашиглаж Засаг даргаар ажилласны улмаас цалин хөлс авч төрд 4,835,063 төгрөгийн хохирол учруулсан” гэсэн үндэслэлээр уг хохирлыг нөхөн төлүүлэхээр шүүхэд нэхэмжлэл гаргасан байна.
Завхан аймгийн Эрүү, Иргэний хэргийн давж заалдах шатны шүүхийн шүүгчийн мэдээлснээр, хариуцагч А.А нь “диплом ашигласны улмаас төрд хохирол учраагүй, ажилласан хугацааныхаа цалин хөлсөө авсан” гэж маргажээ.
Давж заалдах шатны шүүхээс иргэн А.А нь хуурамч диплом ашиглаж сумын Иргэдийн төлөөлөгчдийн хуралд нэр дэвшин, сумын Засаг даргаар томилогдон ажиллаж, хууль бусаар 4,835,063 төгрөгийн цалин хөлс авч, төрд хохирол учруулсан гэм буруутай болох нь хэрэгт авагдсан баримтуудаар тогтоогдсон байна.
Иймд иргэн А.А нь төрөөс хууль бусаар цалин хөлс 4,835,063 төгрөг авч, хохирол учруулсан тул төлөх үүрэгтэй гэж үзжээ.
