“Монголын хөрөнгийн бирж” ТӨХК-ийн Гүйцэтгэх захирлын 2023 оны 04 дүгээр сарын 14-ний А/54 дүгээр тушаалаар биржийн III ангилалд бүртгэлтэй “Хөвсгөл усан зам” ХК-ийн хувьцааг МХБ-ийн ТӨХК-ийн үнэт цаасны бүртгэлээс хасч, арилжааг зогсоолоо.
“Хөвсгөл усан зам” хувьцаат компанийн 100 төгрөгийн нэрлэсэн үнэ бүхий 94,426 ширхэг энгийн хувьцааг 944.26 хөрвүүлэх замаар нэгтэн, компанийн нийт гаргасан 94,426 ширхэг энгийн хувьцааг 100 /нэг зуун/ ширхэг энгийн хувьцаа болгон үнэт цаасны бүртгэлд өөрчлөлт оруулсан болно.
“Хөвсгөл усан зам” ХК-ийг бүртгэлээс хасах шийдвэрийг Компанийн тухай хуулийн 51 дүгээр зүйл, Монголын хөрөнгийн бирж” ТӨХК-ийн дүрмийн 8.10.11 дүгээр заалт, “Үнэт цаасны бүртгэлийн журам”-ын 19, 23 дугаар зүйл, Хөвсгөл усан зам” ХК-ийн 2023 оны 01 дүгээр сарын 27-ны өдрийн хувьцаа эзэмшигчдийн ээлжит бус хурлын 01 тоот тогтоол, 2023 оны 02 дугаар сарын 02-ны өдрийн 4-5/06 тоот албан хүсэлтийг тус тус үндэслэв.
МОНГОЛЫН ХӨРӨНГИЙН БИРЖ
