ГССҮТ-ийн Хавсарсан гэмтлийн тасгийн баг дөрөвдүгээр сарын 09-ний өдөр алсын дуудлагаар Булган аймагт ажиллаж, цээжний хөндийн хүнд гэмтэлтэй өвчтөнд мэс заслын яаралтай тусламж үзүүлжээ. Тодруулбал, ГССҮТ-ийн мэс заслын баг бүрэлдэхүүн Булган аймгийн нэгдсэн эмнэлгийн эмч сувилагч нартай хамтран мориноос унаж бэртсэн өвчтөний хавирганы тогтворгүй хугарлыг бэхлэх мэс заслыг амжилттай хийсэн байна. Тухайн өвчтөний биеийн байдал сайжирч, тогтвортой байгаа бөгөөд аймгийн нэгдсэн эмнэлэгт мэс заслын дараах эмчилгээ хийлгэж байгаа гэлээ. ГССҮТ-ийн мэс заслын баг сүүлийн таван жилийн хугацаанд цээжний хөндийн битүү гэмтэл буюу хавирганы тогтворгүй хугарлыг бэхлэх мэс заслыг орон нутагт нутагшуулах замаар нийт 21 аймагт ажиллаж байна.
