Олон улсын тэшүүрийн холбооны “Sea Open Short Track Trophy” тэмцээн өнгөрөгч амралтын өдрүүдэд Сингапур улсад боллоо. Тэмцээнд Монгол, Австрали, Шинэ Зеланд, Филиппин зэрэг 11 орны 120 тамирчин өсвөр үе, залуучууд, насанд хүрэгчдийн ангилалд өрсөлдөв. Улмаар тус тэмцээнд манай улсаас насанд хүрэгчдийн ангилалд оролцсон ОУХМ Баттулгын Гэрэлтуяа 3 алт, 1 мөнгөн медаль хүртжээ. Түүнчлэн залуучуудын ангилалд Эрдэнэбилэгийн Мөнх-Эрдэнэ 2 мөнгө, 1 хүрэл, Баярхүүгийн Баттулга 1 мөнгө, 2 хүрэл медалийн эзэн болсон талаар Монголын Тэшүүрийн Холбооноос мэдээллээ.
