FIBA 3×3 сагсан бөмбөгийн Азийн аварга шалгаруулах тэмцээн гуравдугаар сарын 29-нөөс дөрөвдүгээр сарын 2-нд Сингапур улсад болно. Улмаар тэмцээнд оролцох Монгол улсын эрэгтэй, эмэгтэй шигшээ баг өнөөдөр Арслан хотыг зорилоо. Манай эрэгтэй багийн бүрэлдэхүүнд Д.Дэлгэрням, Э.Дөлгөөн, А.Ананд, О.Энхбаатар, эмэгтэй багт Б.Ариунцэцэг, Ц.Болорцэцэг, О.Хулан, М.Цэрэнлхам нар гавьяат дасгалжуулагч С.Тулгын удирдлага дор оролцоно. Монголын эрэгтэй сагсан бөмбөгчид Азийн аваргад 2017 онд түрүүлж 2018, 2019 онд мөнгө, эмэгтэй баг 2013 онд хүрэл медаль тус тус хүртэж байв.
