Аэро Монголиа энэ сараас эхлэн БНСУ руу нислэг үйлдэнэ

Зам, тээврийн хөгжлийн яамнаас агаарын тээврийн салбарт тэгш шударга өрсөлдөөнийг бий болгох зорилтын хүрээнд БНСУ руу хийх нислэгийн тоо, давтамжийг нэмэгдүүлжээ. Тодруулбал, БНСУ руу долоо хоногт 44 удаа нисдэг байсныг, 80 хүртэл нисэх боломжтой болгож хоёр дахин нэмэгдүүлсэн байна.
Энэ хүрээнд Аэро Монголиа ХХК нь тус улс руу тавдугаар сарыг дуустал долоо хоногийн даваа, лхагва, бямба гарагт буюу нийт гурван удаа нислэг үйлдэхээр болсон бөгөөд зургаадугаар сараас эхлэн өдөр бүр нислэг үйлдэх аж. Нислэгийн тийзний үнэ 1.4 сая төгрөгөөс эхэлж байгаа юм.