Багийн спортын төрөл, өвлийн спортын түүхэнд Монгол Улс анх удаа Шайбтай хоккейн Дэлхийн аварга болон Азийн аварга шалгаруулах тэмцээнийг эх орондоо зохион байгуулах эрхийг Мөсөн Өргөө - Steppe Arena, MIHF Монголын хоккейн холбоо авсан билээ.
18 хүртэлх насны хоккейн Азийн аварга шалгаруулах тэмцээн манай улсад өнөөдөр эхэлж байна.
Энэхүү тэмцээнд Монгол, Иран, Тайланд, Туркменистан, АНЭУ, Узбекистан гэсэн зургаан орны баг өрсөлдөх юм. Монгол Улсын баг тамирчдын хувьд анхны тоглолтоо Ираны багтай хийнэ. Энэхүү тэмцээн гуравдугаар сарын 11-17-ны өдрүүдэд Мөсөн өргөөд үргэлжлэх бөгөөд нэг удаагийн тоглолтын тасалбарын үнэ 20 мянган төгрөг. Харин бүхөдрийн тоглолтын тасалбар 70 мянган төгрөгийн үнэтэй.
