БОАЖ-ын сайдын “Монголд зочлох жил” арга хэмжээний хүрээнд орон даяар “Эрүүл аюулгүй-цэвэр орчин” бүрдүүлэх албан даалгаврын дагуу Баян-Өлгий аймгийн Ховд голын 12 тонн хог хаягдлыг цэвэрлэв.
Баян-Өлгий аймгийн Байгаль орчин аялал жуулчлалын газар, Өлгий сумын ЗДТГазар, МАНУТХГХЗахиргаа, Дэлхийн байгаль хамгаалах сан/WWF/-гийн Монгол дах хөтөлбөрийн газар болон МЭХ-ны Баян-Өлгий аймаг дахь салбартай хамтарч Өлгий сумын төвийн Ховд голын эргийг цэвэрлэх ажлыг зохион байгууллаа.
Уг арга хэмжээнд аймгийн төвийн Төрийн болон Төрийн бус 64 байгууллагын 500 гаруй албан хаагчид оролцон 12 тонн хог хаягдлыг цэвэрлэж нэгдсэн хогийн цэгт буулгаж ажиллав.
Эх сурвалж: БОАЖЯ