Сүүлийн хэдэн зуун жилийн турш хүний хүчин зүйлийн нөлөөгөөр агаар мандал, хөрс, ус улам бүр бохирдсоор байгаа харамсалтай мэдээлэл бий. Дэлхийн эдийн засгийн форумын хийсэн судалгаагаар хүн төрөлхтөн одоогийн хуванцар хэрэглээндээ өөрчлөлт оруулж чадахгүй бол 2050 он гэхэд далайн бүх загасыг нийлүүлснээс ч их хуванцар хог хаягдал далайд хуримтлагдана гэж үзжээ. Энэ нь биднийг алхам тутамдаа байгальд ээлтэй сонголтыг хийхийг хичээж амьдрах цаг хэдийн болснийг илтгэнэ.
Хэрвээ та хэн нэгэнд бэлэг өгөх гээд хайж байгаа бол энэхүү нийлэлээс санаа аваарай. Заавал байгальд ээлтэй найз гэлтгүй бүхий л хүмүүст өгөхөд тохиромжтой бөгөөд тэдэнд гарцаагүй таалагдана гэдэгт итгэлтэй байна.
1.Усны сав
Зөв, цэвэр хэрэглээ мэт боловч хуванцар нь байгаль орчныг хамгийн их сүйтгэдэг зүйлсийн нэг юм. Иймд чанартай усны сав авч бэлэглээрэй.
2.Веган арьсан цүнх
Энэ бол байгальд ээлтэй бэлгүүдийн нэг бөгөөд ихэнх бүсгүйчүүд гар цүнхэнд дуртай байдагтай маргахгүй биз.
3.Хог хаягдалгүй цэцгийн баглаа
Хэдхэн цагийн турш хүний нүдийг баясгаад хогийн цэг рүү ачигддаг химийн гаралтай пластик бүтээгдэхүүнүүдийг байгальд ээлтэй материалаар орлуулан хийдэг болсон. Жишээлбэл цаасан уутанд боосон, тамгатай цэцгийн баглаа…
4.Байгальд ээлтэй гоо сайхны бүтээгдэхүүн
Байгалийн гоо сайхны бүтээгдэхүүнийг сонгохдоо найрлагад нь анхаарлаа хандуулах хэрэгтэй. Энэ нь парабен, силикон, PEG дериватив, синтетик үнэртэн, эрдэс тос агуулсан байх ёсгүй бөгөөд бүтээгдэхүүн нь байгаль орчинд ээлтэй болохыг баталгаажуулсан гэрчилгээтэй бол илүү найдвартай.
5.Эко уут
Бидний өдөр тутмын хэрэглээнээс гарсан нийлэг тор, гялгар уут нь байгальд 100-300 жил задрахгүйгээр хадгалагддаг тул эко уут бол хамгийн зөв бэлэг.
