Монгол Улсын 2022 оны төсвийн тухай хуулиар Гаалийн байгууллага нь 2022 онд тодотголоор 4.1 их наяд төгрөг Улсын төсөвт төвлөрүүлэх үүрэг хүлээжээ.
Тэгвэл тус байгууллага 4.6 их наяд төгрөг төвлөрүүлж, 113.9 хувийн гүйцэтгэлтэйгээр, 570.4 тэрбум төгрөгөөр давуулан биелүүлсэн үзүүлэлтэй гарсны ГЕГ-аас мэдээлэв.Орлогын гүйцэтгэлийг өнгөрсөн онтой харьцуулбал нийт орлого өнгөрсөн оны мөн үеэс 1,160.8 тэрбум төгрөгөөр 33.1 хувиар өссөн байна. Үүнээс:
- Гаалийн албан татвар 349.1 тэрбум төгрөг
- Нэмэгдсэн өртгийн албан татвар 820.7 тэрбум
- Архи, дарсны онцгой албан татвар 15.2 тэрбум төгрөг
- Тамхины онцгой албан татвар 10.9 тэрбум төгрөг
- Суудлын автомашины онцгой албан татвар 79.2 тэрбум төгрөг
- Өөрийн орлого 9.7 тэрбум төгрөг,
- Авто бензин, дизелийн түлшний албан татвар 2.8 тэрбум төгрөг
- Хураамжийн орлого 22.1 тэрбум төгрөгөөр тус тус өсжээ.
Харин авто бензин, дизелийн түлшний онцгой албан татвар 152.2 тэрбум төгрөг, экспортын орлого 18 сая төгрөгөөр тус тус буурчээ.
