Улсын хэмжээнд өнөөдрийн байдлаар нийт 106.611 тонн шатахууны үлдэгдэл байна. Тодруулбал, А-80 шатахуун 6.109 тонн, АИ-92 шатахуун 39.125 тонн, АИ-95 шатахуун 4.164 тонн, дизель түлш 53.254 тонны үлдэгдэлтэй байна. Үүнийг хоногийн ердийн хэрэглээгээр нь тооцвол А-80 шатахуун 37 хоног, АИ-92 шатахуун 29 хоног, АИ-95 шатахуун 31 хоног, дизель түлш 21 хоногийн нөөцтэй байгаа юм. Түүнчлэн манай улс оны эхний 10 хоногт нийт 38.600 тонн газрын тосны бүтээгдэхүүн импортолсон талаар Уул Уурхай, Хүнд Үйлдвэрийн Яамнаас мэдээллээ.
