Сурагчдын амралттай холбоотойгоор гэртээ амарч байгаа хүүхдүүдийн хувьд гар утас, зурагт, компьютер зэргийг ашиглах нь их болдог. Тэгвэл эцэг эхчүүд болон асран хамгаалагч нарт хүүхдүүдийг дэлгэцийн донтолтоос урьдчилан сэргийлэх зөвлөмжийг хүргэж байна.
– Хүүхэддээ өдөр бүр тодорхой цагийг зарцуулах,
– Эцэг эх, асран хамгаалагчид хүүхдүүдтэйгээ ярилцах, ном уншиж өгөх, хамт таавар, эвлүүлдэг тоглоом тоглох, гадуур алхахыг чухалчлах,
– Аливаа нэг зүйлийг барьцаалсан шаардлага тавихгүй байх,
– Гар утас болон зурагт 1 удаад 30 минут, өдөрт 2 цагаас хэтрүүлэхгүй үзүүлэх,
– Гэр бүлийн дүрэм, цагийн хуваарь зохиож хүүхэдтэйгээ хамтран биелүүлдэг байх,
– Эцэг эх өөрийн биеэр үлгэр дуурайлал үзүүлэх (өөрсдөө гар утсаа гэртээ үзэхгүй),
– Хүүхдийнхээ сонирхол, хэрэгцээг судлан хэрэгцээт зүйлсээр хангаж өгөх,
– Тогтмол цагт унтуулж сургах (22.00 цагаас өмнө заавал унтуулах, чихэрлэг зүйл бага идүүлэх)
