Сүүлийн жилүүдэд голдуу дэлгэцийн уран бүтээлээр үзэгчидтэйгээ уулзаж буй “Х-ТҮЦ” продакшныхан шинэ оноо тайзны уран бүтээлээр эхлүүлж байна. Өмнө нь тус хамт олон “Хориотой жүжиг”, “Аянгын бороо”, “Сэрүүн хасын нууц” зэрэг драмын жүжгийг толилуулж байсан юм. Тэгвэл энэ удаа “Зохиолгүй амьдрал” инээдмийн жүжгийг олны хүртээл болгохоор бэлэн болжээ.
Зохиолгүй амьдрал жүжгийг Урлагийн гавьяат зүтгэлтэн Ч.Найдандорж найруулж, гол дүрд Т.Бархүү, Г.Нарансолонго нар тоглох бол бусад дүрд Гавьяат жүжигчин И.Одончимэг, Н.Онон, “Эмоци” продакшны жүжигчин Д.Түвшинтөр, “Маск” продакшны жүжигчин Ш.Жавхлан, А.Гэрэлцэцэг, залуу жүжигчин Э.Төрбат, Э.Анужин нар тоглох юм. Тус жүжиг нь ирэх Баасан гаригт буюу энэ сарын 13-нд Соёлын Төв өргөөнд нээлтээ хийх юм байна.
