Улсын төсвийн хөрөнгө оруулалтаар хэрэгжиж байгаа Хэнтий аймгийн Батширээт сумын Онон голын 209 у/м төмөрбетон гүүрийг ашиглалтад орууллаа. Барилгын ажлын гүйцэтгэгчээр “Тэргүүн саруул зам” ХХК, хяналтын зөвлөхөөр Зам, тээврийн хөгжлийн төв ТӨҮГ ажилласан.
Тус гүүр нь өрөмдмөл шон суурь, хүчитгэсэн дам нуруу, 500м хайрган замтай байхаар төлөвлөгдсөн бөгөөд батлагдсан зураг төслийн дагуу хийж гүйцэтгэсэн тул Зам, тээврийн хөгжлийн яамны Төрийн нарийн бичгийн даргын тушаалаар байгуулагдсан ажлын хэсэг газар дээр нь ажиллаж байнгын ашиглалтад хүлээн авч, тээврийн хэрэгслийн хөдөлгөөнийг нээгээд байгаа юм.