БЗДХ, ХДХВ/ДОХ-ын асуудлаарх үндэсний VIII чуулганыг 2022 оны 11 дүгээр сарын 28-ны өдөр амжилттай зохион байгууллсан байна. Энэ удаагийн чуулганаар БЗДХ, ХДХВ/ДОХ-оос урьдчилан сэргийлэх, эмчилгээ, тусламж үйлчилгээний өнөөгийн нөхцөл байдал, ололт амжилтыг дүгнэн хэлэлцэх, олон улсын донор байгууллагуудын санхүүжилтээс Засгийн газрын санхүүжилтэд шилжих, Эрүүл мэндийн санхүүжилтийн шинэ тогтолцоонд шилжих “Шилжилтийн үеийн санхүүжилтийн тогтвортой байдлыг хангах”-д тулгамдаж буй асуудал цаашид авч хэрэгжүүлэх арга хэмжээг тоймлон, зөвлөмж гаргах чиглэлээр чуулжээ. Чуулганд Эрүүл мэндийн сайд С.Энхболд, Эрүүл мэндийн яамны Төрийн нарийн бичгийн дарга Ц.Эрдэмбилэг, Нийтийн эрүүл мэндийн газрын дарга Д.Баярболд болон УИХ-ын Нийгмийн Бодлогын Байнгын Хороо, БСШУЯ, ХЗДХЯ болон бусад холбогдох төрийн байгууллагууд, НҮБ-ын төрөлжсөн болон олон улсын донор байгууллагууд, ДОХ, сүрьеэ, хумхаа өвчинтэй тэмцэх Глобаль сан, нийслэл, дүүрэг, хөдөө орон нутгийн засаг захиргааны, төрийн, болон иргэний нийгмийн байгууллагуудын төлөөлөл болсон 200 хүн оролцсон аж.
Чуулганы онцлог давуу тал нь БЗДХ, ХДХВ/ДОХ-ын тусламж үйлчилгээ, урьдчилан сэргийлэх үйл ажиллагааны өнгөрсөн хугацааны ололт амжилт, тулгамдаж буй асуудлыг орон нутагт олон салбарын оролцоог ханган, төр, төрийн бус байгууллага, иргэдийн төлөөлөл, ажил олгогчид хамтран хэлэлцэж, шийдвэрлэх арга замыг тодорхойлсон Үндэсний хэмжээний урьдчилсан хэлэлцүүлэг өрнүүлж, үр дүн шийдвэрийг нэгтгэн нэгдсэн зөвлөмжийг боловсруулан, хэлэлцэж байгаа явдал юм.
Дэлхий дахинд ХДХВ/ДОХ шалтгаанаар болон шалтгаант хамаарал бүхий өвчнөөр анх ДХВ/ДОХ бүртгэгдсэнээс хойш 40,1 сая, 2021 онд 650,000 иргэн нас бараад байна.
Тэгвэл ХӨСҮТ жилд дунджаар 3000-3500 хүнээс ХДХВ-ийн шинжилгээ авч 8-10 халдварын тохиолдол илрүүлдэг. Анх 1982 онд анхны тохиолдол илэрсэн. Одоогоор 344 тохиолдол Монгол улсад бүртгэгдээд байна. Үүний 83%-ийг эрэгтэйчүүд, 11%-ийг эмэгтэйчүүд эзэлж байна.
Хамгийн сүүлд Монгол улсад оршин суух эрх авсан ОХУ-ын иргэнээс ДОХ илэрсэн байна. Тиймээс ХДХВ-ийн тандалт шинжилгээнйи хүрээг өргөжүүлж, бэлгийн цөөнх, тээврийн жолооч нарын дунд эрсдлээс сэргийлэх сургалтыг явуулах хэрэгтэйг эрүүл мэндийн салбарынхан онцолж байна.
