Европын Хөрөнгө Оруулалтын Банкны дэд ерөнхийлөгч Гелсомина Виглиотти болон Монгол Улсын Засгийн газрыг төлөөлж Байгаль орчин, уур амьсгалын өөрчлөлтийн сайд Ц.Сандаг-Очир нар эрмэлзлийн бичигт гарын үсэг зурлаа.
Гелсомина Виглиотти хэлсэн үгэндээ Монгол Улсын Засгийн газрын “Мод үндэстэй, хүн үйлстэй” санаачилга, урт хугацааны хөгжлийн бодлого, газрын нөхөн сэргээлт, тогтвортой ойн аж ахуйн чиглэлээр хэрэгжүүлж буй бодлогыг Европын Хөрөнгө Оруулалтын Банк дэмжиж буйг илэрхийлэв.
Тэрбээр энэхүү хамтын ажиллагаа нь ойг хамгаалах, нөхөн сэргээхээс гадна тогтвортой ажлын байр бий болгох, орон нутгийн эдийн засгийг төрөлжүүлэх, ногоон санхүүжилтийн шинэ боломж бүрдүүлэх ач холбогдолтойг онцоллоо.
