YouTube платформ өсвөр насныхны цахим хэрэглээг илүү зохистой болгох зорилгоор эцэг эхчүүдэд зориулсан шинэ хяналтын боломжоо өргөжүүлжээ. Ингэснээр эцэг эхчүүд хүүхдийнхээ YouTube Shorts үзэх өдөр тутмын хугацааг тусад нь хязгаарлах боломжтой болсон байна.
Шинэ тохиргоог Google Family Link эсвэл YouTube Family Center-ээр дамжуулан идэвхжүүлэх бөгөөд өдөрт 15 минут, 30 минут, 45 минут, 1 цаг, 2 цаг гэсэн сонголтоос гадна 0 минут гэж тохируулснаар тухайн өдөр Shorts үзэх боломжийг бүрэн хаах боломжтой болжээ.
Хүүхэд тогтоосон хугацаандаа хүрмэгц Shorts-ийн тасралтгүй гүйлгэх хэсэг автоматаар хаагдах бөгөөд харин YouTube-ийн ердийн урт видеонуудыг үргэлжлүүлэн үзэх боломж хэвээр үлдэх юм. Энэхүү хязгаар нь дараагийн өдөр автоматаар шинэчлэгдэнэ.
Сүүлийн жилүүдэд богино хэмжээний видеоны хэрэглээ хүүхэд, өсвөр насныхны анхаарал төвлөрөл, дэлгэцийн хэрэглээтэй холбоотой асуудлыг нэмэгдүүлж болзошгүй талаар судлаачид анхааруулсаар ирсэн. Иймээс YouTube энэхүү шинэ функцийг нэвтрүүлснээр эцэг эхчүүд хүүхдийнхээ богино контентын хэрэглээг илүү үр дүнтэй удирдах боломжтой болж байна.
Хэрхэн тохируулах вэ?
