Гоо сайхан, загварын ертөнцийн нөлөө бүхий эрхэмүүдийн нэг болох Hailey Bieber алдарт SKIMS брэндийн шинэ кампанит ажлын нүүр царай болжээ.
Ким Кардашианы үүсгэн байгуулсан SKIMS энэ удаад өөрийн хамгийн алдартай бүтээгдэхүүнүүдийн нэг болох Everyday Cotton цуглуулгаа сурталчлах шинэ кампанит ажилдаа Хэйли Биберийг онцолсон байна. Кампанит ажлын гэрэл зургуудыг нэрт загварын зурагчид Mert Alas болон Marcus Piggott нар авчээ.
Шинэ кампанит ажилд Хэйли Бибер SKIMS-ийн зөөлөн даавуун материалтай дотуур хувцас, подволк, майк зэрэг өдөр тутмын хэрэглээнд зориулсан бүтээгдэхүүнүүдийг танилцуулсан бөгөөд түүний энгийн атлаа халуухан төрх нь брэндийн үндсэн өнгө төрхтэй нийцэж буйг загварын хэвлэлүүд онцолж байна.
Кампанит ажлын талаар Хэйли Бибер:
“Би өдөр бүр өмсөхөд хамгийн тухтай, өөртөө итгэлтэй мэдрэмж төрүүлдэг хувцсанд дуртай. SKIMS энэ мэдрэмжийг төгс илэрхийлдэг брэнд” хэмээн ярьжээ.
Харин SKIMS-ийн үүсгэн байгуулагч Kim Kardashian Хэйлиг орчин үеийн эмэгтэйчүүдийн өөртөө итгэлтэй, энгийн хэрнээ хүчирхэг дүр төрхийг илэрхийлдэг хүн хэмээн тодорхойлж, шинэ кампанит ажилд хамтран ажиллаж байгаадаа баяртай байгаагаа илэрхийлсэн байна.
Энэхүү кампанит ажил нь SKIMS-ийн 2026 оны маркетингийн томоохон ажлуудын нэг бөгөөд өмнө нь тус брэндийн нүүр царайгаар Kylie Jenner, Sabrina Carpenter, Charli XCX, Rosé (BLACKPINK) зэрэг дэлхийн алдартнууд ажиллаж байсан юм.
