2024 онд Парис хотын Éditions Jentayu хэвлэлийн газраас орчуулагч Р.Мөнхзулын франц хэлнээ хөрвүүлсэн “Бөөгийн домог” роман хэвлэгдэж, Францын хэд хэдэн хот, мөн Belgium, Switzerland улсад уншигчдад танилцуулах арга хэмжээнүүд зохион байгуулагдсан билээ.
Харин энэ удаад Geneva хотод төвтэй Éditions des Syrtes хэвлэлийн газар уг бүтээлийг өөрсдийн шинэ дизайн, хэвлэлийн шийдлээр дахин уншигчдын хүртээл болгож байна.
Парист хэвлэгдсэн эхний хувилбар нь 26 еврогийн үнэтэйгээр худалдаалагдаж байсан бол Женевийн хэвлэлийн газар илүү өргөн хүрээний уншигчдад зориулан, илүү хүртээмжтэй нөхцөлөөр түгээхээр зорьжээ.
Éditions des Syrtes нь Alexandre Dumas, Théophile Gautier нарын сонгодог бүтээлүүдээс гадна Gabriele D’Annunzio, Kate Chopin зэрэг дэлхийн зохиолчдын туурвилыг эрхлэн гаргадаг бөгөөд Орос болон Зүүн Европын утга зохиолыг Европын уншигчдад таниулдгаараа онцлог хэвлэлийн газар юм.
