Энержи Ресурс компани байгуулагдсаны 21 жилийн ой энэ сард тохиож байна. Тус компани 2009 онд Ухаа худагт үйл ажиллагаа явуулж эхэлснээс хойш говьд 300 мянга гаруй мод амжилттай тарьж ургуулсан өндөр үзүүлэлттэй байгаа аж.
Мөн 15 орчим жилийн арчилгаагаар Өмнөговь аймгийн Цогтцэций суманд томоохон ойн зурвас байгуулсан нь жилээс жилд өргөжиж, салхины хаалт үүсгэдэг болжээ. Энэ ойн зурваст жигд, сухай, хайлаас зэрэг олон төрлийн 12 гаруй мянган мод ургаж байна.
