Өмнөд Солонгосын Bigbang хамтлагийн гишүүн асан T.O.P удаан хүлээлгэсэн эргэн ирэлтээ хийж, “Another Dimension” нэртэй бүрэн хэмжээний цомгоо гаргасан нь хөгжмийн хорхойтнуудын дунд өндөр үнэлгээ авч байна.
Гэвч тус цомгийн зарим дууг БНСУ-ын үндэсний Korean Broadcasting System (KBS) телевиз эфирт нэвтрүүлэх боломжгүй гэж үзжээ. Тодруулбал, “Studio54”, “Zero-Coke”, “For fans”, “Seoul chaos” зэрэг дуунуудыг дууны үгэнд тодорхой брэндийн нэр дурдсан, далд сурталчилгаа агуулсан гэж дүгнэсэн байна.
Мөн “Be sold” дууг хараал ихтэй, “Self crucifixion” дууг хориотой бодис хэрэглэхийг уриалсан агуулгатай хэмээн шүүмжилсэн бол “Another Dimension Holy Dude!!!!!!!!” зэрэг бусад бүтээлийг хэт ширүүн, хатуу үг хэллэгтэй гэж үзжээ. Иймээс дээрх дуунууд KBS телевизийн эфирийн бодлогод нийцэхгүйд тооцогдсон байна.
Хууль, журмын дагуу уран бүтээлч болон түүний “TOPSPOT Pictures” компани уг шийдвэрийг дахин хянуулах хүсэлт гаргах эрхтэй бөгөөд шаардлагатай тохиолдолд дууны агуулгад засвар хийсний үндсэн дээр дахин үнэлгээ авах боломжтой юм.
