Өнгөрсөн ням гарагт АНУ-ын дуучин Бритни Спирс гэрээсээ бүх үнэт эдлэлээ хулгайд алдсан тухайгаа өөрийн инстаграм хуудастаа нийтэлжээ.
Тэрбээр инстаграмдаа “”Тэгэхээр та нар миний бүх үнэт эдлэл хулгайлагдсныг бодитоор харж байна. Одоо шинэ юм худалдаж авахаас ч айж байна. Учир нь дахиад л хулгайд алдагдах байх. Харж байна уу. Юу ч алга. Гэгээн дарь эх минь… Би айж байна. Бүгд алга болчхож. Хямдхан, хуурамч үнэт эдлэл биш надад л зориулагдсан үнэт эдлэлүүддээ алдсан нь маш хэцүү санагдаж байна. Миний дөрвөн настайгаасаа хойш зүүсэн загалмай ч алга болчхож. Үнэхээр сэтгэл дундуур байна” хэмээн бичиж хоосон үнэт эдлэлийн хайрцгийг харуулсан видео бичлэгээ нийтэлсэн байна.
Гэвч цагдаагийн байгууллага түүний гэрийн ойр орчоос ямар ч хулгайн гэмт хэргийн дуудлага хүлээн аваагүй мөн Бритни Спирс өөрөө энэ хэргийн талаар мэдүүлэг өгөхөөс татгалзжээ.
