Сүүлийн үед “like” эможийг Gen Z буюу залуу үеийнхэн эерэг биш, харин хүйтэн хөндий, зарим тохиолдолд үл тоосон өнгө аяс илэрхийлдэг гэж үзэх хандлага нэмэгдэж байна. Анхандаа зөвшөөрөх, дэмжих утгатай ашиглагддаг байсан энэ эможи нь өнөөдөр олон залуусын хувьд “богино, сэтгэлгүй хариу” мэт мэдрэгддэг болжээ. Ялангуяа мессежний харилцаанд энэхүү эможийг дангаар явуулах нь харилцааг үл ойшоосон мэт ойлгогддог аж. Энэ нь Gen Z хэрэглэгчид илүү сэтгэл хөдлөл илэрхийлсэн эможи эсвэл тодорхой үгтэй хариу ашиглахыг илүүд үздэг болсонтой холбоотой гэж судлаачид тайлбарлажээ.
