Сүүлийн жилүүдэд “distressed” буюу шинэ хувцсыг зориудаар олон жил өмссөн мэт харагдуулах, хуучирсан хэв маяг бүхий хувцас, хэрэглэл загварын тренд болоод буй.
Загвар зохион бүтээгчид ийм төрлийн хувцсыг зүгээр нэг санаанаасаа бүтээдэггүй. Харин жинхэнэ “амьдрал туулсан” хуучин хувцсыг судлан, энэ чиглэлээр мэргэшсэн винтаж худалдаачид, цуглуулагчидтай хамтран ажилладаг. Түүнчлэн тэдний цуглуулга, судалгаа нь орчин үеийн загварын чиг хандлагыг тодорхойлох хэмжээнд хүрсэн байна.
Лос Анжелес хотын Remnants дэлгүүрийн үүсгэн байгуулагч Тристан Фергюсон болон Distressed Fest арга хэмжээний хамтран зохион байгуулагч Коннор Гресситт нарын мэдээлснээр, брэндүүд хуучруулсан өнгө, элэгдэл, нөхөөсийг бодит мэт гаргахын тулд “эх загвар” болгон ашиглах хуучин хувцсанд өндөр үнэ төлөхөд ч бэлэн байдаг аж.
